موسوعة كبيره جدا من النكت

انا جايبلكم النهارده موسوعه كبيره من النكت

واحد قال لابوه بابا هو صحيح الحب اعمى


رد ابوه : بص لامك وانت تعرف .




مسطول بيقول

احسن خمس اشياء فى الدنيا

هما ثلاثة :

النوم , والاكل !!




واحد معاه ارنب وعايز يعرف هو ذكر ولا انثى ؟

سآل واحد مسطول ؟رد المسطول وقال :

اتركه اذا هرب فهو ذكر

واذا هربت فهى انثى .




اثنين مساجين محكوم عليهم بالاعدام

واحد منهم حاقد جدا ,

يوم الاعدام سآلوا الاول :

نفسك فى ايه ؟ قال نفسى اشوف امى .

سآلوا الحاقد , انت نفسك فى ايه ؟

قال : نفسى صاحبى ما يشوفش امه .





واحد بيقول لابوه : مدة رخصتى انتهت ,

رد عليه ابوه : من كتر دورانك فى الشوارع .






مسطول وقفته لجنة ,

قا لو ا له : اركب البوكس

قالهم: لا والله بيتنا قريب .





مرة اثنين اغبيه , عندهم حصانين ,

فكانوا عايزين يعلموهم علشان

ما يتلغبطوش بينهم ,

الاول قطع اذن حصانه وراح قال للتانى :

فالتانى قاله : اااه يخرب بيتك انا بردة عملت كده ,

فالاول راح فقع عين حصانه , وراح قال للتانى ,

فالتانى قال : اااه يخرب بيتك انا بردة عملت كده ,

فالاول قاله:انت حتصدعنى فى دماغى؟

خدانت الحصان الاسودوانا الحصان الابيض .




كمبيوتر قال لكمبيوتراية انتى طالق ,

قالت : يالهوى ,,, والسى دى اللى فى بطنى .

اعمل فيه ايه؟




واحد غبى حط ايده فى جردل مية نار

فحس ان صباع من اصابعه ناقص ,

فحط راسه فى الجردل علشان يدور عليه .




عاد نبيل من المدرسة,وصاح :

ماما حصلت على عشر درجات ,

قالت فى سرور , انت ممتاز ,

وحصلت عليها فى اى مادة ,

رد نبيل : 2 فى الحساب ,

4 فى الاملاء ,

و 3 فى العلوم ,

ودرجة واحدة فى التاريخ .
واحدة بتقول لزوجها : ياريتنى جريدة
علشان اكون فى ايدك كل يوم ,
قال لها : ياريتك نتيجة اغيرك كل سنة .



إذاعة الراديو :
واللاعب بيشوط بمشط رجله
يااااه بتيجى فى المقص ,
صبى الحلاق : إلحق يا معلم بيلعبوا فى العدة .


مره واحد مسطول بيقول لواحد صاحبه
اقولك سر. قال له: فى بير
قا ل له: سلفنى 10جنيه
قا ل له: ولا كئنى سمعت حاجه .



اتنين بيحبوا بعض وبعض ما بيحبهومش .



سألوا واحد بخيل طحن: تعمل ايه لو الدنيا برد؟
قال: أروح جنب الدفاية.
قالو ا له: ولو الدنيا بردت أكتر؟
قال:أقرب من الدفاية.
قالوا له: ولو بردت أكتر؟
قال: ألزق في الدفاية.
قالوا له: طب ولو نزل تلج؟
قال: أشغل الدفاية بقى وأمري لله .



مسطول مشترك في مسابقة أسرع رسمة
رسم نقطة وقال:
هذا فيل جاي من بعيد .



واحد اتهموه بالذكاء .......... طلع براءه .



مره واحد مسطول رجع بيتهم متأخر،
اخته فتحت له قا ل لها:
كنت فين يافاجرة لحد دلوقتي .



واحد مسطول بيقول لصاحبه مش عارف يأ أخي
عود الكبريت ده ما بيولعش ليه؟
مع إنه لسه مولع من شوية.



صومالى ركبه عفريت العفريت مات من الجوع .



واحد ندل اشتغل في المطافى
عبا حنفيات الحريق بنزين .


مسطول بيتصل بالمطافى: إيه يا جماعة؟

إذا ماكانش فى حريقة ماحدش يشوفكوا.
قال بخيل لأبنائه : من ينجح منكم سأريه سيارة الأيس كريم.



بخيل واقف فى البلكونة... ابنه جاى من بعيد يقول له
بابا بابا بابا ... قاله:
يا ابن ال بابا واحده كفاية.



اشترى رجل بخيل ثلاث برتقالات، قطع الأولى فوجدها
متعفنة فرماها، قطع الثانية فوجدها متعفنة فرماها،
فأطفأ النور وقطع الثالثة وأكلها.



البخيل: حظي سيئ!!
الصديق: ولماذا ؟
البخيل: لأن الصيدلية التي بجوارنا
أعلنت عن تخفيضات وليس فينا أحد مريض.



تراهن بخيلان على من يبقى تحت الماء أكثر من الآخر
يدعوه للعشاء...
فلم يخرج أحد منهما حتى الآن.



فيه نقطة زرقا على الحيطة ايه هي ؟؟؟
نملة لابسة جينز



اسد و اتفقوا ان كل واحد يضرب الثاني علي قفاه
بدأ ال وضرب
الاسد ولما جاء الدور علي الاسد ال جري
والاسد بيجري وراءه الاسد سال قرد
بيقرا الجريده مشفتش جري من هنا رد القرد
وقال ال الي ضرب الاسد علي قفاه
غضب الاسد و قال الله يخرب بيوتهم
هي لحقت تنزل في الجرايد.



مهندس كمبيوتر، حلل دمه، طلعت فصيلته HP



شوارع مر من جنب مخفر شرطة

شاف بوليسي قال آه لو كملت تعليمي



واحد سباك نفسه اتسدت غرقت الشقة



واحد قال لخطيبته أنتي لبن أنتي قشطة أنتي حليب
أو أقلك ؟ أنتي البقرة كلها



مره واحد فتح التلاجه شاف الجيلي بيرتعش
قال له متخافش حشرب ميه



مدير مدرسة عمل فرح وزع على المعازيم أرقام جلوس.



واحد شحات راح لواحد عجلاتي قال له أعطيني مما أعطاك الله، قال له العجلاتي خد لك لفة.



واحد بلدياتنا نزل محطة مصر
لقى بتاع الأنابيب بيخبط عليها،
قال له افتحلي واحدة ساقعة لو سمحت.



مرة واحد توأم شاف أخوه قال له:
انت فين من الصبح يخرب شكلك
أمي خلتني أستحمى مرتين.



تلاتة بيحششوا حصل كبسة عليهم اتنين هربوا والتالت
استخبى في البوكس



مرة واحد عجلاتى قعد على قهوة طلب كاوتشينو



في واحد دلوع اوي, دخلوه اهله الجيش ,
سأله القائد : تعمل ايه لو قابلت العدو
... قال : ارمي السلاح في وشه و اقوله اكرهك اكرهك اكرهك



واحد راح الصيدلية وقال للدكتور : عايز لبن اطفال ..... الدكتور: اسمه ايه !؟
,,,,,, الراجل : اسمه اشرف
مرة واحد قصير راح يشهد في قضية في المحكمة
فقال له القاضي قول "والله العظيم أقول الحق"
فحلف فسأله القاضي عن إسمه فقاله إسمي نخلة
فقاله القاضي هو من أولها حتكدب





واحد مليونير راح يحلق دفع 5جنية
الحلاق قالة ابنك بيدفع 20جنية
قالة ابنى ابوه مليونير اما انا ابويا فقير





دكتور سنان كان مصاحب شله و خلع منهم





مره واحد غبى قابل واحدة اجنبية
سالها : انتى منين؟
قالت له: وات ؟ what ?
قالها: اجدع ناس الوتاوته





كان في مسابقه بين واحد بلدياتنا وواحد امريكى
وواحد فرنسى المسابقه على اللى يدخل الغابه
ويجيب اكبر قطه
الامريكى دخل الغابه ورجع بعد عشر ساعات
وجاب قطه وزنها عشره كيلو
الفرنسى دخل الغابه ورجع بعد خمست عشر ساعه
وجاب قطه وزنها خمسة عشر كيلو
بلدياتنا دخل الغابه يوم اتنين تلاته اسبوع اسبوعين
لجنة التحكيم قلقوا عليه
نزلو الغابه يدوروا عليه لقوه جايب نمر
ورابطه في شجره وماسك عصايه وبيقوله :
هتنونو يعنى هتنونو .





واحد كريم تزوج وحدة كريمة ..
جابو ولد .. أعطوه للجيران





جندي كل ما يدخل المطبخ .. يضرب تحية للثلاجة
.. ليه؟؟

لأنها ماركة ( جنرال ) !!!
مرة واحد غبى قطع تذكرتين فى الأوتوبيس ،
سأله اللى جنبه ليه قطعت تذكرتين ،
قال له عشان لو تذكرة ضاعت يبقى معايا واحدة تانية ،
قال له طب لو التانية ضاعت تعمل إيه ؟
قال له طب ما أنا معايا أبونيه



واحد اتجوز واحدة وبعد اربع شهور ونص مراته خلفت ولد
فسالها الواد دة جه ازاى واحنا متجوزين من اربع شهور ونص؟؟؟؟!!
قالت له انت متجوزنى من امتى؟؟؟
قال لها من اربع شهور ونص
قالت له انا متجوزاك من امتى
قال لها من 4 شهور ونص
قالته له كدة يبقوا تسعة .
فرد عليها ايوة كدة كنتى هتخلينى اشك فيكى



مره واحد كتب كتابه على الحيطه معرفش يطلقها



.. مرة فقد الذاكرة ماشى فى الشارع بيقول :
صوصو...لا نونو.....لا ......... ؟؟؟؟؟؟؟



حمار وحشى بيحرس كنز فالناس عملوا مسابقة
اللى يجيب الكنز هياخذ نصفه فراح واحد ؟؟؟
وامريكى ويابانى الامريكى دخل راح الحمار
ناطحه موته واليابانى نفس الكلام اما الواحد؟؟؟
دخل وخرج
بعد نصف ساعة شايل الكنز على كتفه
وجارر الحمار
فى ايده فالناس سالوه ازاى قدرت تجيب الكنز
قاللهم ابدا انا قعدت مع الحمار كلمة منه على
كلمة منى طلعنا بلديات



مره واحد غبى حب ينتحر من الدور العشرين
لقاه مقفول
نط من العاشر مرتين



شوية اغبياء طلعت في دماغهم يطوروا الهيليكوبتر
شالو المروحة و حطو تكييف



واحد غبى رجله كانت بتوجعه فذهب للدكاترة
فقالوا له : لازم نقطع رجلك
فاخذ الساطور وقطع رجله بنفسه دون تخدير الدكاترة
قعدو يصفقوا له عشان شجاعته ثم انبسط منهم
و خد الساطور قطع رجله التانية



غبي شاف الساعه واقفه قام يجيبلها كرسي.......



معادله رياضيه للطلاب اللي بيمتحنوا دلوقتي
يمكن تفيدهم بس اقرأو براحه علشان تفهموها






المعادله هي:




هتذاكر= مش هتسقط ------------ (1)
مش هتذاكر= هتسقط ------------ (2)


بجمع (1) و(2)




هتذاكر+ مش هتذاكر = هتسقط+مش هتسقط


ناخد عامل مشترك



هتذاكر(1+مش ) = هتسقط(1 + مش)


بالقسمه على (1+مش)



يبقى



هتذاكر = هتسقط



مرة واحد ماكنش بيغير على مراته فراحت لجارتها
وقالت لها جوزى مابيغرش عليا قالت..خدى شبشب
ابو حمادة حوطيه ع الباب وفعلا حطته جه جوزها
قالها شبشب مين دة ؟. قالت له.. ابو حمادة جارنا
قال لها رجعهوله ليكون عايز ينزل استغربت
وراحت قالت لجارتها ولا عمل حاجة قالت لها خدى بدلة
ابو حمادة حوطيها ع السرير شافها جوزها
وقالها رجعيها لابو حمادة راحت لجارتها
وقالت لها خدى ابو حمادة نفسة حطيه فى الدولاب
فلما جاء جوزها قالت له انا عايزة اشترى فستان
قال لها منا لسه جايبلك فستان قالت له طب تعالى نعد ،
فتح الدولاب وقال لها:


أدي 1-2-3 تعالى كده يا ابو حمادة شوية -4-5 ...

مشكور علي الموضوع الجامد ده

مشكور علي الرد

الله ينور عليك و يا رب تستمر فى المقدمة

ومشكووووووووور على الوضوع الجميل

مشكور لردك